2015 йил 19 октябрь куни профессор-ўқитувчилари ва талаба-ёшлари ўртасида турли ёт ғоялар ва таҳдидларга қарши курашиш, миллий иммунитетни шакллантириш мақсадида маънавий-маърифий тадбир ўтказилди. Тадбирда Олий ва ўрта махсус таълим вазирлиги Маънавий-аҳлоқий тарбия бошқармаси бошлиғи М.Комилов, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита маъсул ходими М.Толипов, Рус православ черкови диний семинарий ўқитувчиси О.Шковородюк, Илмий ишлар бўйича проректор Н.Хайдаров, Маънавият ва маърифат бўлими бошлиғи Ў.Нарбаев, Устоз-мураббийлар Кенгаш раиси Н.Очилов, Ҳисоб ва аудит факультети декани К.Каримова, Молия-иқтисод факультети декан муовини И.Куллиев, “Камолот” ЁИҲ ИБТ етакчиси К.Махмудов, Факультет деканларининг маънавий-маърифий ишлар бўйича муовинлари, кафедра мудирлари, профессор-ўқитувчилар ҳамда институтнинг 235 нафар талаба-ёшлари иштирок этишди.
Тадбирни Тошкент молия институти проректори Хайдаров Низомиддин Хамраевич кириш сўзи билан очди ва тадбир иштирокчиларини таклиф этилган мутахассис ва меҳмонлар билан таништирди. Шундан сўнг, сўзни Олий ва ўрта махсус таълим вазирлиги Маънавий-ахлоқий тарбия бошқармаси бошлиғи М.Комиловга берди.
М.Комилов ўз сўзида, бугунги кунда мамлакатмизда таълим-тарбия соҳасида амалга оширилаётган ислоҳотлар ва эришилаётган ютуқлар тўғрисида батафсил маълумот берди. Шунингдек, дунё ҳамжамиятини ташвишга солаётган, дин ниқоби остида фаолият олиб бораётган турли диний экстремистик ташкилотларнинг ёшларни алдов йўли билан ўз сафларига қўшиб олаётганидан келиб чиқиб, талабаларни бундай гуруҳлар таҳдидидан доимо огоҳ ва ҳушёр бўлиш лозимлигини таъкидлади.
Мамлакатимизда бундай иллатларга қарши кураш борасида кўпгина чора тадбирлар ўтказилаётганлиги ҳақида ўтирганларга мурожаат қилар экан, барчанинг диққатини тайёрланган мавзуга оид видеофильм тақдимотини кўрганларида бунга янада ишонч ҳосил қилишлари ҳамда тегишли хулосалар чиқаришлари мумкинлигини айтиб ўтди.
Дарҳақиқат, Ватан оиладан бошланади. Фарзанд тарбияси ҳам асосан ота-онанинг мажбурияти ҳисобланади. Агар улар ўз зурриётларини Ватанга садоқат ва муҳаббат, урф-одат ва диний қадриятларга ҳурмат руҳида тарбияласалар ҳеч қандай ташқи ғоя ёки мафкура уларнинг онгини, шу билан бирга, жамиятни буза олмайди. Ўзини шу юрт фарзанди, буюк аждодларнинг меросхўри, Ватан фидойиси, деб билувчи ҳар бир фуқаро Ватан ҳавфсизлигига, унинг бирлиги ва осойишталигига таҳдид солаётган ҳолатларга бефарқ бўлмаслиги лозимдеб ўз маърузасини якунлади.
Шундан сўнг сўз навбати Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита маъсул ходими М.Толиповга берилди. Нотиқ талабаларга диний экстремизм, унинг келиб чиқиш сабаблари ва бугунги кунда мамлакатимизда бундай ҳаракатларга қарши олиб борилаётган ислоҳотлар ҳақида батафсил маълумотлар берди. У ўз сўзида ИШИД экстремистик гуруҳларининг ёшлар онги ва қалбини турли зарарли ғоялар билан эгаллаб ўз мақсадлари сари қандай ишларни амалга ошираётганликлари ва бу жамият ва мамлакат учун қанчалик хавф эканлигини тушунтириб ўтди. Шунингдек, ислом экстремизми ғояларининг Марказий Осиёга кириб келишидан кўзланган асосий мақсад – диний қадриятларни қайтадан тиклаш эмас, балки ана шу ғоялардан фақат восита ва ниқоб сифатида фойдаланиш орқали минтақада беқарорликни, диний ва миллатлараро низоларни вужудга келтириш, иқтисодиётни турли йўллар билан издан чиқариш, иқтисодий инқирозни келтириб чиқариш орқали ҳукуматни кучсизлантириб обрўйини тўкишдан иборат эканлигини талабаларга уқтирди.
Бугунги кунда диний экстремизм ҳозирги дунёнинг глобал муаммоси экани ҳеч кимга сир эмаслигини, шу сабабдан ҳам оламдаги барча маърифатпарвар кучлар қатори Ўзбекистонда ҳам унга қарши курашнинг турли кенг миқёсдаги фаолияти олиб борилаётгани тўғрисида гапириб ўтди.
Кун тартибидаги масала юзасидан Рус проваслав черкови диний семинарий ўқитувчиси Шковородюк Олег Степанович маъруза қилди. У ҳам юқоридаги маърузачилар қатори талабаларни диний экстремизм, терроризм таҳдидини олдини олиш мақсадида огоҳликка чақириб ўтди.
Бутун дунё ҳамжамиятини қаттиқ хавотирга солаётган диний экстремизм, миссионерлик ҳаракати кундан-кунга тарқала бориб, халқлар ўртасидаги тотувлик, диний бағрикенглик тамойилларига таҳдид қилмоқда. Шунингдек, эркин тарғибот олиб бориш ва фаолият доирасини кенгайтириш мақсадида кўпгина миссионерлик ташкилотлари, юқорида айтилганидек, ўз ҳаракатларини халқаро нодавлат ташкилотлари мақомида амалга оширишга интилаётганини ҳам қайд этиш лозим. Тажриба бундай мақом миссионерлик фаолияти ҳақли эътирозларни келтириб чиқарганда уларнинг халқаро ҳуқуқ нормаларини рўкач қилишга ва унинг ҳимоя механизмларидан фойдаланиш-га уринишларига, ўз ҳаракат-ларини хас пўшлашга ва жавобгарликдан қочишга интилишларига замин яратишини кўрсатади деб таъкидлади.
Ҳозирги кунда ёшларга турли ижтимоий тармоқлар, мобил дастурлари ва турли воситалардан ахборот ҳуружлари орқали таъсир қилишга уринишлар кўп бўлмоқда. Бу эса бизни доим огоҳ бўлишимиз зарурлигини англатади дея ўз маърузасига якун ясади.
Тадбирда талабалар ўзларини қизиқтирган саволларга мутахассислардан жавоблар олишди.
Тадбир сўнгида “Иқрор” номли видеофильм намойиш этилди.